Jos ohcalat dikšumii olgoriikkaide, čielggat dikšunaddis, maid buohcceáššegirjjiid dárbbašuvvojit dikšuma várás. Dárbbašlaš buohcceáššegirjjit leat dábálaččat sáddenbábir dehe doaktárcealkámuš, buohcce- dehe dikšunmuitalus sihke laboratoria- ja govvandahkandutkamušaid vástádusat.

Suomagiel buohcceáššegirjjit leat dakkáražžan veahkkin olgoriikkain dušše hárve. Dihto dálkkasdieđalaš tearpmat ja kodat, dego diagnosaklassifiseren, laboratoria- ja eará doaibmabidjokodat, leat goitge riikkaidgaskasaččat nannejuvvon. Daid lea buorre doaimmahit dikšunaddái.

  • Sihkkarastte, mainna gielain buohcceáššegirjjit sáhttet leat dehe dat galggaše leat. Jorgalahtte dárbbu mielde áššegirjjiid gillii, man dikšunaddi ipmirda. Dus lea alddát ovddasvástádus deavsttaid jorgaleami ordnedemiin ja jorgalangoluin.
  • Soaba, mot du buohcceáššegirjjit doaimmahuvvojit dikšunaddái. Eiseválddit eai dábálaččat sádde dieđuid olgoriikkaide. Dus lea alddát ovddasvástádus sáddemis ja daid vejolaš goluin, mat šaddet.
  • Fuomáš, ahte buohcceáššegirjjit dollet sisttis hearkkes persovdna-, dearvvašvuohtadille- ja buozalmasdieđuid. Buohcceáššegirjjiid gieđahallamis galgá čuovvut earenoamáš diehtodorvvolašvuođa.

Olgoriikkalaš dearvvašvuohtafuolahusa bálvalanbuvttadeaddji ii leat geatnegahtton jorgalit buohcceáššegirjjiid. Áel ii buhtte buohcceáššegirjjiid jorgaleamis ollašuvvan goluid, muhto dat báhcet dábálaččat áššehasa máksima várás.

Sihkkarastte, ahte oaččut iežat dikšuma dieđuid

Go leat ožžon dikšuma olgoriikkain, de dus lea riekti čálalaš dehe elektrovnnalaš buohcceáššegirjái dehe oažžut dakkáris kopiija. Buohcceáššegirjjit čállojuvvojit dábálaččat dikšuma addi riikka virggálaš gielain. Dikšunaddi ii leat geatnegahtton buohcceáššegirjjiid doaimmaheapmái eará gielaiguin. Čielggat ovddalgihtii

  • makkár áššegirjedieđuid oaččut dikšumisttát olgoriikkain
  • mainna gielain áššegirjjit doaimmahuvvojit
  • leago gažaldat báber-, elektrovnnalaš dehe eará áššegirjjis, dego CD-skearrus
  • goas ja mot oaččut dikšumat áššegirjjiid iežat atnui
  • laktásitgo áššegirjjiid doaimmaheapmái mávssut.

Doaimmat olgoriikkain addojuvvon du dikšuma buohcceáššegirjjiid iežat joatkkadikšumis ovddasvástideaddjái Suomas dehe iežat dearvvašvuohtastašuvdnii. Fuolahat ieš áššegirjjiid jorgaleamis suoma- dehe ruoŧagillii.

Almmolaš dearvvašvuohtafuolahus furke olgoriikkain du oažžun dikšuma buohcceáššegirjjiid iežas buohccediehtovuogádahkii, mas dat gaskkustuvvojit Buohccedieđu arkiivii.

EU-riikkaid gaskkas eai leat diehtovuogádagat buohccedieđuid sirdimii elektrovnnalaččat, nu ahte áššehas ferte ieš fuolahit dieđuid sirdáseamis.