Suopmelaš buohccedáhkádus ii govčča olgoriikkain addojuvvon dikšuma. It sáhte oažžut Suomas buhtadusaid buohccevahágis, mii lea šaddan olgoriikkain addojuvvon dikšumis.

Go ohcalat olgoriikkaide dikšumii, čielggat makkár buohccevahátvuogádat riikkas lea. Sihkkarastte maid, ahte leat ožžon dárbahassii olu dieđu dikšumis ja doaibmabijuin, mat dutnje addojuvvojit sihke daid riskkain.

Sihkkarastte, ahte dikšunaddis lea lohpi doaimmaidasas

Go ohcalat olgoriikkaide dikšumii, sihkkarastte, ahte dikšunaddis lea lohpi doaimmaidasas ja ahte das lea áššáigullevaš buohccevahátdáhkádus dikšuma várás, mii addojuvvo. Čielggat vejolašvuođaid mielde maiddái dikšuma dehe doaibmabiju ollašuhtti doaktára duogášdieđuid, dego ámmátbargama vuoigatvuođaid ja vejolaš ráddjehusaid.

Dikšuma addi EU-riikka kontáktačuokkis vástida gažaldagaide riikka buohccedáhkádusvuogádagas ja láhkaásahan buohcanoaju ovddasvástideaddji eiseválddit addet dieđuid.

Jos dutnje lea deaividan buohccevahát olgoriikkain

Čielggat dikšunaddis dehe dikšuma addán riikka kontáktačuoggás, mot sáhtát ohcat buhtadusa buohccevahágii.

Oaččut ruovttugielddat almmolaš dearvvašvuohtafuolahusas dikšuma, vaikko dikšondárbot boađášii olgoriikkain šaddan buohccevahágis. Oaččut dikšuma doaktára dahkan dikšundárbbu árvvoštallama mielde.