Buot EU-riikkain heahtenummár lea 112. Dasa lassin 112 doaibmá heahtenummárin Norggas, Šveiccas, Israelis, Ruoššas ja Durkkas.

Sáhtát oažžut veahki ja neavvuid maid čuovvovaš beliin olgoriikkain orodeamát áigge:

Mátkelágideaddji

Jos leat gárvvesmátkkis, mátkelágideaddji báikkálaš ovddasteaddjit, dego mátkeofelaččat, veahkehit dárbbu mielde buohccán-, bárte- ja vahátdiliin.

Jos gárvvesmátki ii doala sisttis ofelašbálvalusaid, sáhtát leat oktavuođas mátkelágideaddji ilmmuhan ovddasteaddjái. Jos ovddasteaddji ii leat čuozáhagas dehe dan lahkosiin, váldde oktavuođa mátkelágideaddjái Suomas.

Suoma ovddastat orodanriikkas

Suoma olgoriikkaovddastagat ja konsuláhtat veahkehit olgoriikkain heađáskan Suoma riikkavuložiid dehe Suomas fásta orru olgoriikkaid olbmuid.

Orodanriikka eiseválddit sáhttet ilmmuhit Suoma ovddastahkii gaskaboddasaččat olgoriikkain orodeaddji buohcan- dehe bártedáhpáhusas, jos dus eai leat mielde oapmahaččat dehe oahppásat iige mátkelágideaddji oaččo oktavuođa oapmahaččaide. Ovddastat sáhttá maid veahkehit joksat Suomas orru oapmahačča.

Jápmindáhpáhusain ovddastat veahkeha rohki ruoktot fievrrideamis ja eará geavada ordnedemiin.

Váldde vuhtii, ahte ovddastagat eai sáhte máksit buohcceviesso- dehe hoteallarehkegiid dehe mieđihit máksinčatnasemiid ovdamearkka dihte buohcceviessodikšuma mávssuid várás.

Lassidieđut olgoriikkaministeriija vejolašvuođain veahkehit olgoriikkain oažžu olgoáššiidministeriija konsulaáššiid ovttadagas

  • Birrajándora fákta +358 9 160 555 55 olgoriikkain čuojahettiin
  • Olgoriikkaministeriija telefonguovddáš +358 295 350 000 olgoriikkain čuojahettiin

Jos du mátkečuozáhagas ii leat Suoma ovddastat, sáhtát heahtedilis sihtat veahki eará EU-riikka ovddastagas.

SOS Internationála mátkeheahtebálvalus

SOS International veahkeha davviriikkalaš mátkkošteddjiid birra máilmmi ovttasráđiid mátkedáhkádusfitnodagaiguin.

Mátkeheahtebálvalus gohcá nummáris +45 701 050 54. Alárbmaguovddáš gohcá miehtá jándora, jagi juohke beaivve.

Girku ja álbmotorganisašuvnnat

Suopmelaš álbmotorganisašuvnnat ja eará bealit, mat doibmet olgoriikkain, sáhttet maid veahkehit olgoriikkain

  • Mearraolbmágirkut doibmet Davvi-Duiskkas, Belgias, Luxemburgas, Hollánddas, Ovttastuvvan gonagasgottis ja Greikkas.
  • Suomi-Seura (sámás: Suopma-Searvi)

Áel:a riikkaidgaskasaš áššiid guovddáš

Jos du eurohpalaš buohccedikšungoarta lea láhppon dehe dus ii leat goarta, Áel:a riikkaidgaskasaš áššiid guovddáš doaimmaha dutnje duođaštusa, mii buhtte goartta. Duođaštus sáhttá dárbbu mielde doaimmahuvvot maid njuolga buohccevissui.

Geažideamit

Mátketelefuvdnii heahtediliid várás furkejuvvon telefonnummárat sáhttet leat ávkkálaččat, go mátkkoštat olgoriikkain. Furke oapmahačča telefonnummára ICE-oanádusain (in case of emergency). Dan gávdnan giehtatelefovnna nammalisttus álkidahttá oktavuođa váldima lagašoapmahažžii.

Oahpásnuva maid suomagillii ráhkaduvvon bolesa neavvunvideoi fáhkkesta várradili várás.