Mun lean vuolgime dikšuma várás nuppi riikii. Maid buohccedieđuid dikšunaddi dárbbaha?

Jeara ovddalgihtii njuolga dikšunaddis, makkár buohccedieđuid sii dárbbahit ja doaimmat daid sidjiide. Čielggat maid, dárbbahatgo sáddenbáhpira dikšuma várás ja dohkkehuvvogo Suomas čállojuvvon sáddenbábir. Juos don dárbbahat jorgalahttit buohcceáššegirjjiid, dus leat alddát ovddasvástádus jorgalangoluin.

Juos oaččun dikšuma olgoriikkain, nu oidnojitgo dikšundieđut Suoma buohcceregistaris? Sáhtángo ovdamearkka dihte geahččat dieđuid Omakantas?

Buohccedieđut eai jođe automáhtalaččat sierra riikkaid gaskka. Siđa dikšunaddis dieđuid iežat oažžun dikšumis ja doaimmat daid Suomas dearvvašvuohtafuolahussii registrerema várás. Jeara iežat dearvvašvuohtastašuvnnas, gosa don sáhtát doaimmahit iežat buohcceáššegirjjiid. Juos don dárbbahat jorgalahttit buohcceáššegirjjiid, nu don govččat jorgalangoluid ieš.

Mun dikšojuvvojin buohcceviesus nuppi EU-riikkas. Dárbbahan buohcceáššegirjjiid Supmii, mot mun oaččun daid?

Váldde oktavuođa du dikšun buohccevissui dehe dikšunbáikái. Buohccedieđut eai jođe automáhtalaččat sierra riikkaid gaskka. Dávjá maid diehtosuodji eastá buohccedieđuid luobaheami sierra riikkaid buohcceviesuid gaskka.

Mun lean boahtime dikšuma várás Supmii. Mot dikšunaddi oažžu mu buohccedieđuid?

Buohccedieđut eai jođe automáhtalaččat sierra riikkaid gaskka. Don galggat ieš fuolahit das, ahte dárbbatlaš dokumeanttat mannet mearrái. Go dikšun lea nohkan Suomas, nu muittáthan sihtat iežat dikšuma áššegirjjiid čáláhussan fárrosat. Juos don dárbbahat jorgalahttit buohcceáššegirjjiid, nu don govččat jorgalangoluid ieš.

Galgetgo buohcceáššegirjjit jorgaluvvot dan riikka gillii, gos dikšun addojuvvo?

Čielggat dikšunbáikkis, man gillii si dárbbahit du buohccedieđuid. Juos don dárbbahat jorgalahttit buohcceáššegirjjiid, nu don govččat jorgalangoluid ieš.

Man gillii oaččun dikšuma, juos ohcalan dikšuma várás nuppi EU-riikii?

Sihkkarastte dikšunaddis, sáhtátgo oažžut dikšuma dakkár gillii, man hálddašat. Riikkat leat geatnegasat fállat bálvalusaid dušše riikka virggálaš gielaiguin (Suomas suoma- ja ruoŧagillii), muhto don sáhtát jearrat, bastágo dikšunbargoveahka hupmat muhtin eará giela duinna.