1. Mot ordnejuvvo ovdamearkka dihte čuohpadusa maŋŋedikšun, jos buohcci lea ožžon dikšuma olgoriikkain?

Buohcci galgá Supmii máhcadettiinis váldit oktavuođa iežas dearvvašvuohtaguovddážii joatkkadikšuma soahpama várás. Joatkkadikšumis sáhttá soahpat álgoplána mielde maiddái juo ovdal, go ohcala dikšumii olgoriikkaide. Suomas joatkkadikšun addojuvvo álohii Suoma dikšungeavada mielde.

Dálkkasmearrádusaid vuostevurolaš dohkkeheapmi, mii vuođđuduvvá buohccedirektiivii, addá vejolašvuođa oastit dálkasiid Suomas nuppi EU- dehe Eeg-riikkas dehe Šveiccas addojuvvon dálkkasmearrádusain. Eaktun lea, ahte dálkasis lea vuovdinlohpi Suomas.

  1. Geas lea ovddasvástádus vejolaš komplikašuvnnaid joatkkadikšumis ja goluin, go olmmoš lea ožžon dikšuma olgoriikkain?

Olgoriikkain dikšuma ožžon buohccái galgá leat oažžunsajis seamma dálkkasdieđalaš čuovvun, go jos buohcci livččii ožžon dikšuma Suomas. Buohcci joatkkadikšun galgá ordnejuvvot ja vejolaš komplikašuvnnat galget dikšojuvvot seamma prinsihpaiguin go, jos dikšun livččii addojuvvon Suomas.