Sáhtát oažžut Áel:s buhtadusa iežat Suomas oastin dálkasiin, jos soames čuovvovaš eavttuin ollašuvvá

  • don leat oadjuduvvon buohcama várás Suomas
  • dus lea Suomas ruovttugielda
  • don leat oadjuduvvon buohcama várás nuppi EU- dehe Eeg-riikkas dehe Šveiccas dehe Austrálias ja don leat ožžon dálkkasdieđalaččat vealtameahttun dikšuma gaskaboddasaš Suomas orodeamát áigge
  • don leat bargamat vuođul oadjuduvvon buohcama várás Suomas dehe don leat dákkár olbmo bearašlahttu, gii orru nuppi EU- dehe Eeg-riikkas dehe Šveiccas
  • don orut ealáhatolmmožin nuppi EU- dehe Eeg-riikkas dehe Šveiccas ja Suomas lea ovddasvástádus du buohccedikšuma goluin
  • don leat ohcalan dikšumii Supmii ja dus lea iežat orrunriikka mieđihan ovdalohpi (skovvi E 112 dehe S2).

Sáhtát ohcat buhtadusa dálkkasgoluide iežat buohcanoadjolágádusas, jos

  • don lea oadjuduvvon buohcama várás nuppi EU- dehe Eeg-riikkas dehe Šveiccas ja don leat ožžon dálkkasdieđalaččat vealtameahttun dikšuma gaskaboddasaš Suomas orodeamát áigge
  • don leat ohcalan Supmii dikšumii nuppi EU- dehe Eeg-riikkas dehe Šveiccas almmá ovdalobi haga (E 112 dehe S2)
  • don leat oadjuduvvon buohcama várás muhtin eará báikkis go EU- dehe Eeg-riikkas dehe Šveiccas dehe Austrálias.

Dálkasiid njuolggobuhtadus

Dálkkasbuhtadus sáhttá dávjá máksojuvvot njuolggobuhtadussan apteaikkas. Buhtadus geahpiduvvo dalle dálkasa hattis. Sáhtát oažžut njuolggobuhtadusa dálkkasoastimis, jos

  • don leat oadjuduvvon buohcama várás Suomas
  • dus lea Suomas ruovttugielda
  • don orut ealáhatolmmožin nuppi EU- dehe Eeg-riikkas dehe Šveiccas ja Suomas lea ovddasvástádus du buohccedikšuma goluin.

Apteaika dárkkista du vuoigatvuođa njuolggobuhtadussii Áel:a njuolggobuhtadusdieđuid gažadanbálvalusas. Olmmoš, gii boahtá olgoriikkain, galgá dábálaččat máksit dálkasiid vuohččan ieš ja ohcat buhtadusa maŋálgihtii Áel:s.

Sierrabuhtadusvuoigatvuohta ohccojuvvo doaktárcealkámušain

Sierrabuhtadusvuoigatvuohta sáhttá ohccojuvvot Áel:s doaktárcealkámušain (suopmelaš dearvvašvuohtafuolahusas doaktárcealkámuš B). Jos hálidat ohcat sierrabuhtadusvuoigatvuođa, doaimmat doaktárcealkámuša Áel:ii.

Sáhtát oažžut sierrabuhtadusa, jos don leat oadjuduvvon buozalmasa várás nuppi EU- dehe Eeg-riikkas dehe Šveiccas ja orodat Suomas gaskaboddasaččat. Sierrabuhtadusrievtti sáhttet oažžut maid olbmot, geat gullet Austrália dehe Quebeca sosiáladorvosoahpamuša biirii.

Buhtadusa ohcan

Sáhtát ohcat buhtadusa Suomas šaddan dálkkasgoluide Áel:s skoviin SV 178

Ohcamuš galgá guđđojuvvot guđa mánu siste goluid šaddamis. Ohcamuša čuovusin dárbbašuvvojit kopiijat máksinguittiin, dálkkasmearrádusain ja čilgehus addojuvvon dikšumis.

Doaimmat ohcanskovi ja dárbbašlaš čuvvosiid Áel:ii boastta bakte. Čuvvosat sáhttet doaimmahuvvot maid Áel:a áššiid dikšunbálvalusas.