Vuordinráiddut hoahpuhis spesiálabuohccedikšumii otno 2017 giđa

14.8.2017


Vuordinráiddut hoahpuhis spesiálabuohccedikšumii leat Suomas otnon, daningo badjel jahkebeali dikšumii beassamii vuordán buhcciid mearri lea unnon giđa áigge 1200:iin juovlamánu loahpa dillái buohtastettiin. Guhká dikšuma vuordán ledje badjelaš 200 unnit go jagi 2016 seamma áigge. Dilli ii leat leamaš ná buorre oba logi jagi čuovvunáigodaga áigge. Dieđut bohtet ovdan Dearvvašvuođa ja buresbirgejumi lágádusa buvttadan statistihkain, mat čohkkejuvvojit 20 buohccedikšunbiirres ja 23 vuođđodearvvašvuođa spesiálabuohccedikšuma ovttadagas.

Cuoŋománu 2017 loahpas 113 772 vurde dikšumii beassama hoahpuhis spesiálabuohccedikšumii dehege áššehassan buohccedikšunbiirriid buohcceviesuide. Dikšuma vuordán 744 (0,7 %) buohcci ledje vuordán hoahpuhis dikšuma badjel jahkebeali. Dábálaččamusat vurde ráiddus smáitečuohpadussii, čippi dehe čoarbbeliid dahkulađasčuohpadussii sihke buođggaid ja nábi čuohpadussii sihke čuohpadussii, go olbmo orgána/gođus ihtá oidnosii gorudis eahpenormála sajis, mii šaddá čuohpaduvvot hávvesaji buohta (suom. arpityräleikkaus).

Sáddenbáhpiriid mearri buohcceviesuin lea lassánan jagi 2016 rájes, mii čájeha hoahpuhis dikšuma lassáneami. Ođđajagi-cuoŋománu 2017 áigge buohccedikšunbiirriin gieđahallojuvvoje measta 400 000 sáddenbáhpira. Sáddenbáhpiriid mearri stuorui 11 proseantta (38 647) jagi 2016 ođđajagi-cuoŋománu rájes. Gorálaččat eanemusat sáddenbáhpiriid mearri lassánii borasdávddaid spesiálasuorggis. Sáddenbáhpiriid meari gárggiideamis leat stuora erohusat buohccedikšunbiirriid gaskkas.

Dikšumii beassan spesiálabuohccedikšumis (suomagillii)

Spesiálabuohccedikšun

Siiddut, mat laktásit fáddái