Áigodat- ja ICT-bargit ja dearvvašvuohtabálvalusaid geavahus Suomas

22.1.2018


Muorječoaggi Thaieatnamis, it-áššedovdi Indias, hotealla vuostáváldinvirggehas Ruoššas. Jahkásaččat Suomas orodit ja barget duháhiid mielde Eurohpa uniovnna olggobealde nd. goalmmát riikkain boahtán áigodatbargit sihke čuđiid mielde Intra-corporate transfer dehege ICT-bargit, ovdamearkka dihte máŋggaálbmotlaš fitnodagaid hoavdan.

Almmolaš dearvvašvuohtabálvalusaid geavaheaddjin áigodat- ja ICT-bargi buohtastahttojuvvo gieldda orrui, vaikko sus ii livčče Suomas ruovttugieldalága mielde ruovttugielda. Áel čielggada áigodat- ja ICT-bargi dikšunvuoigatvuođaid áššeosolačča dehe almmolaš dearvvašvuohtafuolahusa bivdaga mielde sihke mieđiha dikšunvuoigatvuođa čujuheapmái dárbbašlaš duođaštusaid. Almmolaš dearvvašvuohtafuolahusa bajásdoallis lea vuoigatvuohta ohcat Áel:s stáhta buhtadusa, jos dikšun lea addojuvvon ruovttugielddahis áigodat- ja ICT-bargái. Jos áigodat- dehe ICT-bargi bargoáigi ja bálkádássi devdet buozalmasa oadjudeamis mearriduvvon eavttuid, bargis lea dasa lassin vuoigatvuohta oažžut Áel:s buhtadusa priváhta dearvvašvuohtafuolahusas ja apteaikkas šaddan goluidis ovddas.

Áigodatbargi bargá gaskaboddasaččat, sesoŋŋa áigge Suomas, eanemusat 9 mánu 12 mánu áigge. Sus lea bargogaskavuohta suopmelaš bargoaddái, dábálaččat eanandoallofitnodatolbmui. ICT-bargi bealistis lea sáddejuvvon dehege siskkáldasat sirdojuvvon EU-guovllu olggobealde. ICT-direktiivva mielde fitnodaga bargi siskkáldas sirdimiin dárkkuhuvvo goalmmát riikkas orru goalmmát riikka riikkavuloža

  • gaskaboddasaš sirdin bargama dehe oahpu várás
  • lahttoriikka olggobeallái sajustuhttojuvvon fitnodagas
  • lahttoriikka viidodahkii sajustuhttojuvvon seamma fitnodahkii dehe seamma fitnodatjovkui gullevaš ovttadahkii.

Bargi siskkáldas sirdin oažžu bistit eanemusat golbma jagi, jos son bargá hoavdan dehe áššedovdin. Bargogaskavuođalaš hárjehalli sirdin oažžu bistit eanemusat jagi. Áidodat- ja ICT-bargi bearašlahtus lea vuoigatvuohta almmolaš dearvvašvuohtafuolahussii dušše, jos sus lea ruovttugielda Suomas.

Du vuoigatvuohta dikšumii Suomas