Hoitopaikanvalinta.fi-fierbmebálvalus lea dál 2-jahkásaš

2.10.2017


Hoitopaikanvalinta.fi-fierbmebálvalusas (sámás: https://saame.hoitopaikanvalinta.fi) lea ágga ávvudit, go dat devddii guokte jagi 30.9.2017. Riegádettiinis dat lei vuosttaš riikaviidosaš fierbmebálvalus, mii doallá sisttis gokčevaččat dieđu sihke álbmotlaš dearvvašvuohtafuolahusa válljenfriddjavuođas ja rájiid rasttildeaddji dearvvašvuohtafuolahusas. Hoitopaikanvalinta.fi ollašuhtii rájiid rasttildeaddji dearvvašvuohtafuolahusa kontáktačuokkis ovttasráđiid Dearvvašvuođa ja buresbirgejumi lágádusain, Álbmotealáhatlágádusain ja sosiála- ja dearvvašvuohtaministeriijain.

Siiddut, mat bálvalit riikkavuložiid, dearvvašvuohtafuolahusa bargiid ja eiseválddiid, fállá dieđu buohcci vejolašvuođain ja vuoigatvuođain geavahit dearvvašvuohtabálvalusaid Suomas ja olgoriikkain. Siidduin oažžu maid dieđu áššehasmávssuin, dikšungoluin ja buhtadusain. Dikšunbáiki.fi’s lea earret eará diehtu badjel 50 riikka dearvvašvuohtabálvalusain, jos buohccá olgoriikkain fáhkkestaga dehe mátkkošta nuppi riikii buohccedikšuma oažžuma várás. Priváhta dearvvašvuohtabálvalusaid haddedieđut  (siidu dušše suomagillii) sáhttet maid veardiduvvot fierbmebálvalusa bakte. Dearvvašvuohtafuolahusa bargiid oassái (siidu dušše suomagillii) lea čohkkejuvvon diehtu earret eará olgoriikkain boahtti buhcciid dikšumis, dikšungoluid rehkegiid sáddemis sihke buohcci sáddemis dikšuma várás olgoriikkaide.

Fierbmebálvalus rahppojuvvui vuohččan suomagielalažžan ja dat almmustuhttojuvvui seamma sisdoaluin maiddái ruoŧagillii (www.vardenhetsval.fi) ja eŋgelasgillii (www.choosehealthcare.fi) jagi 2015 loahpas. Sámegiel siiddut (saame.hoitopaikanvalinta.fi) gárváne skábmamánu 2016. Maŋimussan leat rahppojuvvon seavagiel siiddut guovvamánu 2017.

Hoitopaikanvalinta.fi gárggiidanbargu joatkahuvvá ja dán čavčča siidduid sisdoallu ođasnuhttojuvvo ain geavaheaddjiustitlaččabun ovttasráđiid mediadoaimmahat Franticiin. Muital iežat oaivila fierbmebálvalusas ja atte máhcahaga.